Xiisad colaadeed ayaa waxaa laga soo sheegay inay ka dhex aloosan tahay Milliteriga dalalka Ethiopia iyo Kenya, kadib, markii ay Milliteriga Ethiopia gudaha u soo galeen xuduudka Kenya, lana wareegeen Saldhig Bolis.
Goobjoogayaal ayaa sheegay ku-dhawaad 50 ciiddamo Ethiopian oo aad u hubeysan, lana socday 10 Tekniko ah inay ka soo gudbeen xuduudka, isla markaana qabsadeen Saldhigga Boliska ee Illeret ee Gobalka Waqooyiga Horr
Ciiddanka Ethiopianka ayaa la sheegay inay 16-KM gudaha u galeen xuduudka Kenya, oo ay ka degeen goobo Istaraatijiyad leh.
Waa markii saddexaad oo ay Ciiddanka Ethiopianka gudaha u galaan xuduudka ay la wadaagaan Kenya.
Dhinaca kale, Taliyaha Boliska ee Illeret ayaa xaqiijiyey inay Ciiddanka Ethiopia ka soo gudbeen xuduudka, wuxuuna xusay in ay 9 Sarkaal oo keliya ku sugan yihiin Saldhigga Boliska ee Illeret, isla markaana ay heegan sare ku jiraan.
Afhayeenka Ciiddanka Difaaca Kenya, Kolonel David Obonyo ayaa sheegay inaysan ku baraarugsanayn dhacdadaasi.
Waxa uu tilmaamay inaysan haynin wax warbixin ah, isla markaana uusan filaynin inay ciiddanka Ethiopia wax qalad ah samayn doonaan, maadaama ay labada dal xiriir soo-jireen ah lahayn.
Xigasho:- Daily Nation
