Ku-dhawaad 6 bilood kadib, markii David Govrin loo soo magacaabay Madaxa Xafiiska Xiriirinta Israel u jooga dalka Moroko waxa uu weli ku dhex shaqeeya Hotelka uu deggan yahjay.
Milkiilayaasha Morookaanka waxay diideen inay Diplomaasiga Israel ka kireeyaan Guri ay adeegsadaan Ergada Diplomaasiyiinta Israel ee ku sugan Moroko.
David Govrin waxa Madaxa Xafiiska Xiriirinta Israel eeu jooga Moroko loo soo magacaabay bishii Janaayo ee sanadkan, kadib, markii ay Dowladda Moroko iyo Israel kala saxiixdeen dabayaaqadii sanadkii hore Heshiis lagu caadiyeynayey Xiriirkooda.
Sida laga soo xigtay Warbaahinta dalka Moroko, dadka ku nool Caasimadda waxay ku gacan-sayreen inay Guri ka kireeyaan Ergada Israel.
Shabakadda Wararka ee Asaxiifa ayaa qortay in Dulaalinta Guryaha ay marar badan ku hungoobeen inay Milkiilayaasha ka dhaadhiciyaan inay Diplomaasiga Israel ka kireeyaan Guryaha, balse ay dhamaantooda ka biyo diideen.
David Govrin oo horey u ahaa Safiirka Israel u joogay Masar waxaa la sheegay inuu weli iska dhex joogo Hotelka uu ka deggan yahay Caasimadda dalka Moroko ee Rabaad.
