Haweeneyda Guddoomiyaha u ah Ururka Midowga Afrika, Nkosazana Dlamini-Zuma waxay u magacowday Ambassador Dr. Augustine Phillip Mahiga inuu u noqdo Ergayga Gaarka ee maamulayo Hawlgalka Tababarka Milliteriga ee AMANI Africa oo haatan ka socda dalka Koonfurta Afrika.
Ambassador Dr Augustine Phillip Mahiga oo u dhashay dalka Tanzania, waxa uu horey u ahaan Ergayga Gaarka ee Xoghayaha Guud ee QM ugu qaabilsanaa Arrimaha Somalia muddadii u dhexeysay sannadkii 2010-kii ilaa bishii June ee sannadkii 2013-kii, wuxuuna bishii July ee sannadkaasi xilka ku wareejiyey Nicholas Kay oo ah Diplomaasi u dhashay dalka Britain.
Dr. Mahiga waxa xilka haatan loo magacaabay uu mas’uul ka noqon doonaa Hoggaaminta Siyaasadda Rayidka ee Hawlgalka AMANI Afrika, iyadoo uu Hawlgalkaasi hoggaminayo Taliyaha Ciiddanka dalka Zimbabwe, Sarreeye Gaas Trust Mugova.
Hawlgalka AMANI Afrika ee lagu diyaarinayo Ciiddanka Heeganka ee Qaaradda Afrika, ayaa ah Hawlgal Nabad-ilaalin laga kala keenay dalalka Afrika ee ku kala yaalla Bartamaha, Bariga, Waqooyiga, Koonfurta iyo Galbeedka Afrika.
Operation AMANI Africa II Â waxa uu bilowday bishan October 19-da, waxaana la so ogebagebeyn doonaa bisha soo socota ee November 6-da, iyadoo Munaasabadad Xiritaanka Tababarkaasi ka soo qeyb geli doonaan Madaxda dalalka Afrika.
© Radio Dalsan
