Dhageyso:-Maamulka G/Shabeellaha Hoose oo shaaciyey khasaaraha ka dhashay qarixii Walanweyn

Maamulka Gobolka Shabeellaha Hoose ayaa faah faahin guud ka bixiyey qarixii khasaaraha badan geystay ee Galabta ka dhacay degmada Walanweyn  ee Gobolka Shabeellaha Hoose.

Qaraxaas ayaa Maamulku waxa ay sheegeen in uu ahaa mid simiidaamin ah,kaas oo sababay dhimashada dad badan oo Shacab u badan,isl markaana ku sugnaa Goob  Suuq ah oo xilligaas mashquul ahaa.

Guddoomiye kuxigeenka Maamulka gobolka Shabeellaha Hoose Cabdi Fitaax Xaaji Cabdulle ayaa sheegay in qaraxa uu sirasmi ah uga dhacay suuqa labaad ee degmada Walaweyn oo ku yaalla Muuri.

Waxa uu sheegay in qaraxaas ay ku geeriyoodeen in ka badan 10 ruux sidoo kalena dhaawacyo farabadan loosoo qaaday isbitaalada ku yaalla Magalada Muqdisho.

Waxa uu sidoo kale sheegay in Ciidamada dowladda Soomaaliya eek u sugan Garoonka Balli-doogle ay dadkaasi uu qaraxa saameeyey ay u soo gurmadeen.

Marka laga soo tago khasaaraha ay shaaciyeen masuuliyiinta Maamulka Gobolka Shabeellaha Hoose ayaa warar kale aan heleyno waxa ay sheegayaan in khasaraha uu intasi badan yahay,isla markaana dadka dhintay ay shacab u badan yihiin.

Hoos Ka Dhageyso Wareysiga guddoomiyaha oo dhameystiran.