Barack Obama oo ahaa Madaxweynihii 44-aad ee dalka Maraykanka ayaa la sheegay inuu bishan 16-da boqasho hal maalin ah ku tegi doono Kenya ee uu Aabihiisa asal ahaan ka soo jeedo.
Waxaana u qorsheysan inuu Madaxweyne Uhuru Kenyatta kula kulmo Aqalka dowladda ee magaalladda Nairobi, ka hor inta uusan u socdaalin Degmadda K’OGELO oo uu asal ahaan ka soo jeedo, si uu u soo booqdo Qaraabadiisa.
Socdaalka uu Barack Obama ku tegi doono Kenya ayaa ah tii ugu horreysay tan iyo markii uu Xilka Madaxweynaha Maraykanka ka degay bishii Janaayo 20-dii ee sannadkii hore.
Dhinaca kale, Madaxweynihii hore ee Maraykanka waxa u qorsheysan inuu booqasho ku tago dalak Koonfur Afrika, isagoo jeedin doona khudbad sannadeedka Madaxweynihii geeriyooday ee dalkaasi, Nelson Mandela.
