Madaxweynaha dalka Iraq, Berham Saalix waxa uu maanta ku dhawaaqay inuu iska wareejiyey Dhalashadii British-ka, si uu isku waafijiyo Dastuurka dalkiisa hooyo.
Afhayeenka Madaxweynaha oo lagu magacaabo Luqmaan Al-fayli waxa uu sheegay inuu Madaxweynuhu dhamaystiray nidaamkii Sharciga ee uu uga tanaasulay dhalashadii dalka Britain ee uu haystay, wuxuuna u mahad celiyey Dowladda Briatin oo dhalashadda Muwaadinimadda British-ka siisay xilligii uu mucaaradka ku ahaa Madaxweynihii hore ee dalka Iraq ee geeriyooday, Saddaam Xuseen.
Barlamaanka dalka Iraq waxay bishii October 2-dii u doorteen Barham Saalix oo 58-jir inuu noqdo Madaxweynaha Iraq ee afarta sano ee soo socota.
