Madaxweyne ku xigeenka Maamulka Galmudug Cali Daahir Ciid ayaa kormeer ku sameeyay Xarunta madaxtooyada Galmudug oo dhismo ku socda, waxaa socdaalkiisa ku weheliyay qaar ka mid ah mas’uuliyiin ka tirsan Maamulka Galmudug.
“Waxaan maanta kormeer iyo indha-indheyn ku Tagey dhismaha xurunta madaxtooyada cusub iyo 4 wasaaradood oo dhismahoodu ka socdo caasimada Galmudug dhuusomareb.
Waxaan warbixin ka dhagestay Injineerada gacanta ku haya dhismaha Xarumaha madaxtooyada iyo wasaarada howlaha guud Dowlada Gobaledka Galmudug shaqada socota iyagoo ii sheegay in bisha September sanadkan 2020 aay soo dhamaandoonto.
Waxaan umahadceliyay Shirkadaha iyo wasaarada howlaha guud oo gacanta ku haya dhismaha xarumaha madaxtooyada” ayuu yiri Cali Daahir Ciid Madaxweyne ku xigeenka Galmudug.
Xarumo wasaaradeed iyo madaxtooyada maamulkaas ayaa waxaa ku socda dhismo cusub, waxaana tan iyo markii madaxweyne Qoorqoor la doortay billowday dar-dar galinta dayactirka iyo dhismayaasha cusub ee laga hirgalinayo Galmudug.
