Maxay ka wada hadleen Madaxweynaha Somaliland iyo Safiirka Taiwan?

Madaxweynaha Somaliland Muuse Biixi Cabdi, ayaa maanta xafiiskiisa ku qaabiley safiirka safaarada Taiwan ku leeyahay Somaliland, gaar ahaan caasimada Hargeysa, Ambassador Allen C. Lou oo ay wehelinayeen masuuliyiin ka mida madaxda safaraadaasi.

Kulankaasi ayaa waxa looga wada hadlay adkaynta xiriirka  labada dhinac, xoojinta arrimaha ganacsiga iyo isu-socodka labada dal, sidoo kale waxa lagu lafo-guray sidii Taiwan uga caawin lahaa Somaliland mashaariicda biyo ballaarinta magaalooyinka siiba dhinaca qodista biyo xireenka iyo sidii Somaliland iyo Taiwan isaga kaashan lahaayeen arrimaha caafimaadka iyo waxbarashada.

Ugu danbayntiina waxa uu kulankaasi ku dhamaaday is afgarad buuxa iyadoo Madaxweynaha uga mahadceliyey safiirka iyo dawladiisaba dedaalka ay ugu jiraan adkaynta xiriirka labada dhinac.

Kulanka ayaa waxaa Madaxweynaha Somaliland Muuse Biixi Cabdi ku wehelinaayey Wasiir ku xigeenka Arrimaha Dibeda iyo iskaashiga Caalamiga ah ee Somaliland.

Comments
Loading...