Madaxweynaha Hirshabeelle oo kulan la qaatay James Swan

Madaxweynaha Maamulka Hirshabeelle Cali Cabdullaahi Xuseen (Cali Guudlaawe) ayaa kulan fogaan arag ah oo ku qabsoomay aalada Zoom-ka Â la qaatay Wakiilka Xoghaya Guud ee Qaramada Midoobe Ambassador James Swan.

Kulankaan ayaa waxaa waxaan looga hadlay Arrimo kala duwan oo ay kamid yihiin amniga, dib u Heshiisiinta, dhaqaalaha iyo taageerida Doorashooyinka heer Federaal iyo sidii ay Hirshabeelle uga qeyb qaadan laheyd doorashooyinka dalka dhacaya.

Dhinaca kale Ambassador James Swan ayaa Madaxweyne Cali Guudlaawe iyo ku-xigeenkiisa Yuusuf Axmed Hagar Daba-geed ugu hambalyeeyay Doorashadii ay kusoo baxeen oo 11-kii bishaan ka dhacday Magaalada Jowhar ee Xarunta Gobolka Sh/Dhexe.

Beesha Caalamka iyo Qaramada Midoobay ayaa taageeray doorashadii ka dhacday Jowhar, iyagoona sheegay inay la socdeen bilowda dhismaha dowlad Goboleedka Hirshabeelle, islÂ markaana la qaatay tallaabooyinÂ muhiim ah.

Sidoo kale Beesha Caalamka ayaa balan qaaday in Maamulka Hirshabeelle ay ka taageri doonaan dhinacyo kala duwan oo ay kamid yihiin amniga, fulinta Mashaariic horumarineed iyo dhaqaalaha Maamulka.

Radio Dalsan

Radio Station

Radio Dalsan was established in April 2012 in Mogadishu, Somalia with FM frequency 91.5MHz . The radio is registered with the federal ministry of information in Somalia. Dalsan is an independent and autonomous FM Radio station. The radio broadcasts for 18 hours in Somalia and also the Radio is on satellite broadcasting to Africa and Asia.