Madaxtooyada Somalia oo Raalli-gelin ka bixisay War ku saabsan Dowladda Masar

Afhayeenka Madaxtooyada Soomaaliya Cabdikariin Cali Kaar ayaa raalli-gelin ka bixiyey hadalkii uu sheegay ee ahaa  in Madaxweynaha Soomaaliya uusan dhiggiisa Madaxweynaha Masar kala hadlin Arrinta Webiga Nile.

Qoraal uu soo saaray Afhayeenka Cabdikariin Kaar ayaa waxaa uu ku sheegay inuu cudur ka bixinayo hadalkii uu ka sheegay shirkii Jaraa’id ee uu dhawaan u warbaahinta u qabtay, kadib markii Madaxweyne Xasan Sheekh uu kasoo laabtay safarkii uu ku aaday dalka Masar.

Madaxweyne Cabdifitaax Al-siisi ayaa sheegay in isaga iyo Madaxweyne Xasan Sheekh ay ka wada hadleen qodobo badan oo ay ka mid aheyd arrinta biyo xireenka Wabiga Nile ee Itoobiya oo Masar ay si weyn uga soo horjeedo.

Waxaa uu sheegay in isaga iyo dhigiisa Xasan Shiikh ay isku mowqif ka noqdeen khatarta ay leedahay siyaasadda halka dhinac ah marka la fulinayo mashaariicda wabiyada isaga gudba xuduudaha.

“Waxaan isku mowqif ka nahay khatarta ay leedahay siyaasadaha halka dhinac ah ee ku aaddan hirgelinta mashruucyada la xiriira webiyada caalamiga ah iyo sida ay lama-huraan u tahay inuu jiro iskaashi iyo wadatashi dhexmara dowladaha uu wabigu maro, si loo dammaanad qaado in aanay dhibaato soo gaarin mid kamida dowladahaas, arrinkaasuna waa mid la jaanqaadaya xeerarka qaanuunka dowliga ah ee la xiriira arrinkaa, sidaa darteed waxaa lama huraan ah in si dhaqso ah loo gaaro heshiis ku salaysan sharci, fulintiisuna ay tahay qasab marka ay timaaddo buuxinta iyo howlgelinta biyo-xireenka, taasoo ah sida waafaqsan bayaan madaxeedkii ka soo baxay golaha ammaanka ee Qaramada Midoobay sanadkii 2021, taasoo looga jeedo ilaalinta amniga iyo xasiloonida gobolka”ayuu yiri Madaxweyne Abdelfatah Sisi.

Afhayeenka Villa Somalia Cabdikarim Cali Kaar oo hadalkaas ka dib shir jaraaid qabtay ayaa sheegay in madaxda Somalia iyo Masar aysan ka wada hadlin khilaafka ka taagan qeybsiga biyaha webiga Niil, wuxuuna xusay Madaxweyne Xasan Sheekh uusan la qabin hadalka ka soo yeeray Al-Sisi.

About Webmaster

View all posts by Webmaster