Maamulka Galmudug oo la wareegay  Garoonka diyaaradaha Cadaado

Maamulka Galmudug ayaa si toos ah maanta ula wareegay maamulitaanka Garoonka diyaaradaha Magaalada Cadaado ee Gobolka Galgaduud.

Wasaaradda Gaadiidka Maamulka Galmudug ayaa si rasmi ah ula wareegtay maamulka garoonka diyaaradaha Cadaado, waxaana garoonka markii hore gacanta ku haayay Campany si gaar ah loo lee yaahy, balse wixii hadda ka danbeeya waxaa si toos ah u maamuli doona Wasaaradda Gaadiidka Galmudug.

Mas’uuliyiin ka tirsan maamulka Galmudug ayaa soo garay garoonka, waxaana ay kormeer ku sameeyeen garoonka iyagoo si gaar ah ugu kuur galay qaabka uu u shaqeeyo iyo howlaha ka socda garoonka.

Wasiir dawlaha Wasaaradda Gaadiidka Cirka iyo Dhulka Galmudug Abshir Cabdi Shiiqaw, Wasiir ku xigeenka Maaliyadda Mukhtaar Cali Cismaan, agaasimaha waaxda Dakhliga wasaaradda maaliyadda Cabdi rashiid Muuse Ibraahim (Gurey Gaadayar) ayaa ka mid ahaa mas’uuliyiinta Galmudug ka tirsan ee soo gaaray garoonka.

Sidoo kale waxaa  la filayaa in si toos ah ay billawdaan shaqooyinka wasaaradda Gaadiidka ee garoonka diyaaradaha Cadaado, maaddaama uu is baddal xagga maamulka ah uu ku imaanayo howlaha guud ee Garoonka.

Tan iyo markii madaxweyne qoor qoor loo doortay xilka madaxweyne ee Maamulka galmudug waxaa degaanada uu mamulkaasi ka arrimiyo laga dareemayaa isbaddal muuqda, waxaana muuqata in wasaarada maamulkaasi ay si toos ah shaqooyin kooda u billaabeen.

 

 

 

About Bilan Media

Bilan is Somalia’s first ever all-women media team. Staffed and run entirely by women with full editorial independence, the unit covers hard news and in-depth features, holding leaders to account and making sure the media represents all citizens, men and women, weak and powerful, rich and poor.

View all posts by Bilan Media