Guddoomiye ku-xigeenka Maamulka iyo Maaliyadda Gobolka Banaadir Axmed Xasan Iimaan ayaa shir guddoomiyay kulan aan caadi aheyn oo looga hadlay, kaasi oo xalay lagu qabtay Caasimadda.
Shirkaan ayaa inta uu socday waxaa looga hadlay Arrimo kala duwan oo ay kamid yihiin dar-dargelinta, sare u qaadista dakhliga dowlada Hoose ee Xamar iyo qaadista Canshuuraha Guryaha.
Shirkaan oo ay kasoo qeyb-galeen Guddoomiyeyaasha Degmooyinka Gobolka Banaadir iyo Agaasimayaasha qaabilsan dakhliyada Dowladda Hoose ayaa waxaa baaq loogu diray shacabka ku dhaqan Gobolka Banaadir in ay noqdaan kuwa bixiya Canshuuraha Guryaha.
Ugu dambeyn Shacabka ayaa waxaa loogu baaqay inay ka qeyb noqdaan sidii ay dib ugu soo celin lahaayeen bilicdii Caasimadda, isla markaana si wax looga qabto adeegyada aas-aasiga ah ee Bulshada u baahan-yihiin sida Waxbarashada, Caafimaadka, Nadaafada iyo dhismaha Kaabayaasha Muhiimka ah.