Laysinkii ugu horreeyey ee Shidaalka iyo Gaaska Dabiiciga ee Somalia oo la shaaciyey goorta la bixin doono.

Shirweynihii 23-aad ee Toddobaadka Shidaalka Afrika ee bishan November 1-dii ka dhacay magaalladda Cape Town ayaa looga dhawaaqay in Fasaxa Laysinka ee Shidaalka iyo Gaaska Somalia la bixin doono bilowga sannadka soo socda ee 2017-ka.

Tallaabadaasi ayaa muhiimad lagu siinayaa Tartanka Shirkadaha Sahminta Shidaalka si ay Shidaal uga baaraan Maamul-gobaleedyadda Galmudug, HirShabelle iyo K/Galbeed Somalia.

Hadal ka soo baxay Wasaaradda Batroolka iyo Kheyraadka Dabiiciga ee Dowladda Federalka ayaa lagu sheegay in dhawaan la soo dhamaystiray Heshiiska Saami-qeybsiga Wax-soo-saarka Shidaalka iyo Gaaska Dabiiciga.

Wasaaradda waxay kaloo guud-mar ku samaysay qoraalka qabyadda ee Sharciga Cusub ee Shidaalka Somalia, waxaana haatan dib-u-eegaya Daneeyayaasha Shidaalka Somalia.

Dhinaca kale, Shaacintan ayaa ku soo beegantay iyadoo laga dhur-sugayey guusha Sahminta Shidaalka Somalia iyo Sahminta kale ee haatan socota ee lagu guuleystay ee dalalka deriska, sida Kenya oo kale.

Radio Dalsan

Radio Station

Radio Dalsan was established in April 2012 in Mogadishu, Somalia with FM frequency 91.5MHz . The radio is registered with the federal ministry of information in Somalia. Dalsan is an independent and autonomous FM Radio station. The radio broadcasts for 18 hours in Somalia and also the Radio is on satellite broadcasting to Africa and Asia.