Xildhibaanada Golaha Shacabka Baarlamaanka Federaalka Soomaaliya ayaa Maanta oo Isniin ah waxaa lagu waday in kulankoodii caadiga ahaa ay ku yeeshaan Xarunta Villa Hargeysa, hayeeshee waxaa uu baaqaday.
Xildhibaanada Golaha Shacabka ayaa xalay waxaa loo diray saddex fariin oo kala duwan, kuwaasi ku aadanaa Ajendaha kulankii Maanta ay yeelan lahaayeen.
Fariinta Koowaad ee Xildhibaanada loo diray ayaa waxaa lagu sheegay in Maanta oo ah 23-ka Bisha Dec uu jiro kulan, isla markaana Ajendihiisu uu yahay U Codeynta H/Sh Maaraynta & Maamulka Maaliyadda, U Codeynta H/Sh Shirkadaha iyo Akh3aad ee H/Sh Doorashooyinka.
Sidoo kale fariinta labaad ee usoo dhacday Xildhibaanada Golaha Shacabka ayaa u qorneyd: Mudane Xildhibaan Raali Ahow: Akh3aad ee H/Sh Doorashooyinka cilad farsamo awgeed waa laga saarey Agendaha Bari.
Ugu dambeyntii Xildhibaanada Golahan Shacabka ayaa fariinta saddexaad ee loo soo diray waxaa lagu wargeliyay in gebi ahaan uu baaqday kulankii ay yeelan lahaayeen Maanta oo ay taariikhdu ku beegan tahay 23-ka bisha.