Ciidamada amniga ee maamulka Jubbaland ayaa saaka howlgal waxa ay ka wadaan xaafado ka tirsan Magaalada Kismaayo kadib markii halkaas xalay lagu dilay Nabadoon caan ka ahaa deegaanada Jubooyinka.
Kooxo hubeysan ayaa xalay dilay allaha u naxariistee Nabadoon Rashiid Dhure Ibraahim oo xiligaas ka soo baxay masaajid uu ku dukaday Salaaddii Maqrib kooxihii ka dambeeyay falkaas ayaana goobta ka baxsaday.
Madaxweynaha mamulka Jubaland Axmed Maxamed Islaam Axmed Madoobe ayaa faray laamaha amaanka in ay baaris dhab ah ay ku sameeyaan dilka Nabadoonka jawaab adagna ay ka bixiyaan.
