Sida lagu qoray Wargeyska The Star, Guddoomiyaha Golaha Wakiillada, ahna Hoggaamiyaha Xisbiga Mucaradka ee Waddani ee Somaliland, C/raxmaan C/llahi Maxamed “Cirro” ayaa shaaciyey arrintaasi, iyadoo ay Somaliland doorasho ka dhici doonto bisha March ee sannadka soo socda.
Somaliland oo sheegata inay xorriyad heleen sannadkii 1991-kii Burburkii Dowladdii Maxamed Siyaad Barre waxay weli qeyb ka tahay Maamul-gobleed ka tirsan Somalia ee ay Dowladda Federalka hoos taga.
Isku-day 25-kii sanno ee la soo dhaafay lagu doonayey Ictiraaf-doon ayaa guul-daraystay, iyadoo inta bdan Dowladaha iyo Beesha Caalamka u muuqdaan kuwo xushmeynaya Xuduudihii Gumeystayaashii Reer Europe ee ay asteeyeen Qarnigii 19-aad.
Hoggaamiyaha Mucaaradka Somaliland, ahna Musharax Madaxweyne C/raxmaan C/llaahi Maxamed “Cirro” waxa uu la kulmay Ra’isul-wasaaraha XFS, Cumar C/rashiid, si uu hubaal uga dhigo Midowga Somalia iyo Somaliland.
Cod-bixiyayaasha Somaliland ayaa la filayaa inay Doorasho Guud aadaan bisha March 27-da ee sannadka soo socda, dhowr bilood ka hor marka Somalia ka dhici doonto Doorashadda Madaxweynaha ee dhowrka jeer dib loo dhigay.
C/raxmaan C/llaahi Maxamed “Cirro” waxa kale oo arrinkaasi u bandhigay Wakiiladda Dowladdaha Britian, Denmark, Faransiiska, Jarmalka iyo Midowga Europe (EU) oo maalintii Arbacadda kula kulmay magaalladda Nairobi.
“Waxaan doonaynaa inay Beesha Caalamka ka taageeraan dalkeebba sidii ay uga dhici lahaayeen Doorasho Hufan oo Xor ah” ayuu yiri C/raxmaan Cirro.
Kulan kale waxa uu Hotelka Serena ee magaalladda Nairobi waxaa ku kulmay Wafdi ka socday dhinaca Somaliland iyo Ra’isul-wasaaraha XFS, Cumar C/rashiid, iyadoo Wada-hadalkooda ahaa sidii ay u midoobi lahaayeen Somalia iyo Somaliland.
Madaxweynaha haya Talada Somaliland, Axmed Maxamed Maxamuud “Silaanyo” oo ku guuleystay doorashadii dhacday bishii June 26-dii ee sannadkii 2010-kii ayaa ku dhawaaqay inuusan doonayn inuu mar kale isku soo sharxo Xilkaasi.
Waxaana Xilkaasi u sharxan Muuse Biixi oo ah Guddoomiyaha Xisbiga Kulmiye ee haya Talada Maamulka Somaliland.
Doorashadaasi ayaa noqon doonta tii 4-aad ee ka dhacda Somaliland, iyadoo horey Doorashadda loo qabtay sannadihii 2003-dii, 2010-kii iyo 2005-tii oo la qabtay Doorashadda Barlamaanka.
Xigasho: The Star
©Radio Dalsan
