Xafiiska Hantidhawrka Guud ee Qaranka ayaa soo saaray Amar ku socota Ra’iisul Wasaaraha Xukuumadda Federaalka Soomaaliya ee xilgaarsiinta Maxamed Xuseen Rooble, kaasi oo la xiriira Xeer ay maalmo kahor ansixiyeen Golaha Wasiirada.
Qoraal uu soo saaray Hantidhawrka Qaranka Maxamed Maxamuud Cali ayaa waxaa Ra’iisul Wasaare Rooble lagu wargeliyay joojinta Xeer-nidaamiyaha Sharciga Maareynta Maaliyadda oo ay Golaha Wasiirradu ansixiyeen Khamiistii lasoo dhaafay.
Xafiiska Hantidhawrka Guud ee Qaranka ayaa sheegay in Xeer-nidaamiyaha la ansixiyay uu ka jiro khaladaad sharci iyo Qodobbo kasoo horjeeda Sharciga Maareynta Maaliyadda Guud (PFM Act 2019) iyo Sharciga Xafiiska Hantidhawrka Guud ee Qaranka. kuwaasi oo wiiqaya hannaanka loo maamulo islamarkaana loo korjoogteeyo hantida Ummadda.
Sidoo kale Qoraalka uu soo saaray Xafiiska Hantidhawrka ayaa waxaa lagu caddeeyay in hore Wasaaradda Maaliyadda ay SI sharci darro u dhaqan-gelisay Xeer-nidaamiyaha maareeynta Maaliyadda guud, si aan waafaqsaneynin habraacyada uu farayo sharciga.
Golaha Wasiirada Xukuumadda xilgaarsiinta ayaa khamiistii lasoo dhaafay ansixiyay xeerar dhowr ah oo ku jiray Xeer-nidaamiyaha  Sharciga Maareynta Maaliyadda ee uu Hantidhawrka Guud ee Qaranka amray in la joojiyo sharcigaas.
Hoos ka Akhriso Qoraalka kasoo baxay Xafiiska Hantidhawrka Qaranka
