Golaha Wadatashiga Qaranka oo ay ku mideysan yihiin Ra’iisul Wasaaraha Xukuumadda xilgaarsiinta Maxamed Xuseen Rooble, Madaxda shanta dowlad Goboleed iyo Guddoomiyaha Gobolka Banaadir ayaa xalay shir ku yeeshay aalada ZOOM-ka.
Shirka ayaa waxaa looga hadlay arrinsaday xaaladihii ugu dambeeyay ee doorashada Golaha Shacabka, muddo deynta doorashada iyo xal u helida deegaan doorashada labaad Maamulka Jubbaland ee Magaalada Garbahaareey ee Xarunta Gobolka Gedo.
Madaxda ayaa sheegay inay aad uga xun yihiin in waqtigii lagu heshiiyay in lasoo gaba-gabeeyo doorashada Golaha Shacabka lagu dhammeyn waayay doorashada, iyagoona xusay in arrintaas ay caqabad u keentay xiisado ka jiray maamulada qaar iyo Abaaro baahsan oo jira.
Golaha Wadatashiga Qaranka ayaa xalay mar kale isku raacay in doorashada Golaha Shacabka lagu dhammeeyo 15-ka bisha soo socota ee Maarso, xili Maanta ay ku egtahay waqtigii hore loogu qorsheeyay in lagu soo gaba-gabeeyo doorashada socota.
Sidoo kale Golaha Wadatashiga ayaa isla gartay in Ra’iisul Wasaare Rooble oo la tashanaya Madaxweyne Axmed Madoobe uu Guddi u diro Magaalada Garbahaareey, si ay u soo qiimeeyaan xaaladda Garbahaareey oo lagu qabanayo doorashada, sidoo kalena Golaha wuxuu walaac ka muujiyey Abaaraha dalka ka jira.
Maanta oo Jimco oo ku beegsan 25-ka Febraayo 2022 ayaa Madaxda Golaha Wadatashiga Qaranka ku heshiiyeen in lagu soo gaba-gabeeyo doorashada Golaha Shacabka, xili doorashada ay ka harsan yihiin in ka badan 100 Xildhibaan oo weli la dooran, waxaana sidaasi ku dhaqan geliyay Jadwalkii lagu heshiiyay…
