Maamulayaasha Federalka ee dalkaasi ayaa la sheegay inay eegayaan Farriin Nacayb daran oo lala beegsaday Ilhaan Cumar oo ah Xildhibaanad Somali-Maraykanka ka tirsan Kongareeska Maraykanka.
Hay’adda Dembi-baarista Maraykanka ee FBI-da waxay sheegtay inay ku raad-joogaan qoraal Hanjabaad iyo Nacayb ka muuqdo oo loogu hanjabayo in Ilhaan Cumar la dili doono.
FBI-da waxay sheegeen in Qoraalka Hanjabaadda lagu qoray derbiga Suulli ku yaalla Kaalin Shidaal, isla markaana ay baaritaan ku hayaan Nin lagu tuhunsan yahay inuu qoray Farriintaasi.
Ninkaasi oo magaciisa lagu sheegay Barayn Raynis ayaa la sheegay inuu bishii hore ee Feberaayo 22-dii joogsaday Kaalinka Shidaalka ee derbigiisa qoraalka loogu hanjabayo Ilhaan Cumar lagu qoray.
Barayn Raynis waxa uu sheegay inuusan marnaba la kulmi Ilhaan Cumar oo ah Haweeneydii ugu horreysay ee Somali-Maraykan ah ee loo doorto Kongareeska dalkaasi.
Eedeysanaha oo lagu tuhunsan yahay Farriintaasi lala beegsaday Ilhaan Cumar ayaa qoray farriinta, maadaama ay iyadu tahay Muslimad, Madow oo Qaxootinimo ku gashay Maraykanka.
Waxada Hay’adda FBI-da ee magaalladda Minneapolis waxay sheegeen inay ku baraaugsan yihiin Qoraalka la soo dhigay Barta Bulshadda ay ku xiriiraan ee INSTAGRAM.
Bilowgii Isbuucan, Ilhaan Cumar waxaa lala beegsaday Muslim-nacayb kale, iyadoo la soo bandhigay Sawir si been abuur ah loogu sheegay inay ku lug lahayd Qaraxyadii bishii September 11-dii ee sannadkii 2001-dii ka dhacay dalka Maraykanka.
Si kastaba ha haatee, Dhacdooyinka ka dhanka ah Ilhaan Cumar ayaa waxay ku soo beegmaysaa, iyadoo uu Madaxweynaha Maraykanka shalay jeediyey Khudbad uu ku sheegay in qaar ka mid ah xubnaha Muhhaajiriinta ee ka tirsan Kongareeska neceb yihiin dalka Maraykanka.
Waxa uu intaasi ku daray inaan magacaabi karno mid ka mid ah Xildhibaanadaasi, wuxuuna ku celceliyey inay iyagu neceb yihiin dalka Maraykanka.
