Duqeyn lala beegsaday Saldhig ay ku sugnaayeen Ciidamo Mareykan ah  

Kooxaha Hubeysan ee ay Dowladda Iran taageerto ayaa la sheegay inay Tacshiirad isweydaarsadeen Ciiddanka Isbahaysiga Maraykanka ku sugan Bariga dalka Syria.

Afhayeenka Isbahaysiga Maraykanka, Kolonel Wayne Marotto ayaa waxaa uu tilmaamay in Ciiddankooda madaafiic lagu soo weeraray, kaasi oo aan wax khasaaro ah geysanin, waa sida uu hadalka u dhigay.

Waxa uu intaasi ku daray inay Madaafiic ku duqeeyeen goobihii laga  soo weeraray.

Warbaahinta Dowladda Syria ee SANA waxay soo werisay in Gantaallo lala beegsaday Saldhiga Milliteriga Maraykanka ku leeyihiin Deegaanka Al-Omar ee ay Ceelasha Shidaalka ku yaallaan.

Dhinaca kale, Kooxda La-socodka Xuquuqda Aadanaha ee dalka Syria oo uu Fadhigooda Dhexe ku yaallo dalka UK waxay sheegeen in Kooxaha Hubeysan ee ay Dowladda Iran taageerto ay dhowr Gantaal la beegsadeen goobjaha shidaalka ee Bariag Syria, halkaasi oo  ay Maraykanka ku leeyihiin Saldhig Milliteri.

Duqeymahaasi waxaa la sheegay inay geysteen Khasaaro, sida laga soo xigtay Kooxda La-socodka Xuquuqda Aadanaha ee dalka Syria.

About Dalsan Editor

View all posts by Dalsan Editor