Dowladda Kenya oo laga dalbaday halka uu ku dambeeyey Ganacsade Reer Garissa oo lala xiriirinayey Alshabaab

Garyaqaan Joseph Wagara oo u dooda qoyska Ganacsade Xamsa Barre ayaa ka dalbaaday Dowladda Kenya inay muddo saddex isbuuc gudaheeda caddaymo ka keenaan halka uu ku dambeeyey Ganacsade Xamsa Barre oo ahaa Dukaanle ku nool Degmadda Garissa ee W/bari Kenya.

Qareenka ayaa hadalkaasi sheegay kadib, markii ay qoyska Ganacsadaha la laâ€™ yahay ay u gudbiyeen Maxkamadda Sare ee Kenya codsi la xiriira halka uu ku dambeeyey Ganacsadahaasi oo ay Boliska horey uga kaxaysteen goobtiisa Ganacsiga bishii April 8-dii ee sannadkan.

Qoraalkooda ayey kaga codsadeen Dowladda Kenya inay caddeeyaan halka uu ku dambeeyey Gancsadahjaasi oo ay Boliska Kenya ku eedeeyeen inuu ka tirsan yahay Alshabaab.

Garyaqaan Joseph Wagara waxa uu tilmaamay inuu tuhunsan yahayÂ in Ganacsade Xamsa Barre ku xiran yahay Saldhig Bolis ama Xero Milliteri oo ay Kenya leeyihiin, wuxuuna sheegay inuu xariga Ganacsadahaasi xadgudub ku yahayÂ Xuquuqda iyo Xorriyadda Aadanaha.

Â© Radio Dalsan

Radio Dalsan

Radio Station

Radio Dalsan was established in April 2012 in Mogadishu, Somalia with FM frequency 91.5MHz . The radio is registered with the federal ministry of information in Somalia. Dalsan is an independent and autonomous FM Radio station. The radio broadcasts for 18 hours in Somalia and also the Radio is on satellite broadcasting to Africa and Asia.