Dil ka dhacay Magaalada Muqdisho iyo faah faahin kasoo baxeysa

Askari ka tirsan Ciidanka Booliska dowladda Federaalka Soomaaliya ayaa qof shacab ah ku dilay Isgoyska Baar ubax ee degmada howlwadaag ee Gobolkaan Banaadir, waxaana falkaas kasoo baxaya faah faahino dheeraad ah.

Dad goobjoogayaal ah oo la hadlay Idaacadda Dalsan ayaa u sheegay in Askariga iyo qofka la dilay oo ahaa Nin uu soo kala dhex-galay muran kooban, kadibna Askariga uu si bareer ah rasaas ugu furay Ninka oo durbadiiba goobta ku dhacay, kuna dhintay.

Ninka la toogtay ayaa waxaa la tilmaamay inuu ahaa qof xoogaa madaxa looga jiray oo la murmay Askar ka tirsan Ciidanka dowladda Federaalka oo ku sugneyd Isgoyska Baar ubax ee degmada howlwadaag ee Gobolkaan Banaadir.

Meydka Ninka oo daqiiqado yaallay goobta uu falku ka dhacay ayaa markii dambe halkaas laga qaaday, waxaana goobta yimid Ciidamo ka tirsan Booliska dowladda degmada howlwadaag, kadibna iska laabtay, sida la sheegay.

Askarta dowladda Federaalka Soomaaliya ayaa mararka qaarkood si bareer ah dilal ugu geysta dadka shacabka ah ee aan waxba galabsan, waxaana hore gudaha Magaalada Muqdisho Askarta dowladda ay ugu dileen dad shacab ah oo marayay waddooyin.

About Dalsan Editor

View all posts by Dalsan Editor