Xildhibaan Cabdiraxmaan Maxamed Xuseen (Odowaa), oo ka mid ah Xildhibaanada Golaha Shacabka ayaa isaga oo Warbaahinta kula hadlayay Muqdisho waxa uu ka hadlay mooshinkii laga keenay Madaxweyne Farmaajo iyo xarigii Muqtaar Roobow.
Xildhibaanka ayaa sheegay in Madaxweyne Farmaajo uu markii hore Wadaadka Muqtaar Rooboow gaarsiiyay meel sare,hayeeshee markii u ka waayay danihiisa uu soo afduubtay.
“Runtii Madaxweynaha ayaa ciidamo Itoobiyaan ah ku amray in la xiro Roobow,shalay roobow madaxweynaha isaga ayaa taagersanaa,baasaboor diblumaasi ah siiyay,gaadiid aan xabada karin ku wareejiyay,laakin markii uu dantiisa ka waayay soo afduubtay ayuu yiri Xildhibaan Odawaa.
Dhinaca kale waxa uu ka hadlay mooshinkii Xildhibaano ka tirsan Golaha Shacabka ka keeneen Madaxweyne Farmaajo balse markii dambe laga laabtay iyo sababihii keenay inay ka laabtaan.
Waxa uu sheegay in dadka qaarkood ay mooshinkaas sheegayeen in dad dano gaar ah watay ay keeneen,balse taasi aysan aheyn,hayeeshee uu ahaa mid Madaxweynaha iyo Xukuumadda lagu toosinayay maadaama ay gabeen Shaqadooda.
“Xaqiiqdii dano gaar ah lagama laheyn mooshinka laakin wax ayaan ku saxeynay Madaxweynuhu wuxuu labadii sanno ee xilka uu hayay ku mashquulay duminta Maamul goboleedyada, inuu beegsado Siyaasiyiinta mucaaradka ku ah iyo inuu Itoobiya u dhiibo qofkii siyaasadiisa ka hor yimaada ayuu sii raaciyay hadalkiisa Cabdiraxmaan Maxamed Xuseen (Odowaa).
Hoos Ka Dhageyso Codka Cabdiraxmaan Maxamed Xuseen (Odowaa).
