Waxaa gelinkii dambe ee galabta Degmada Waaberi ee Gobolka Banaadir lagu dilay Wariye ka tirsanaa Tv-ga SBS ,iyadoo uu dilka geystay askari ka tirsan Ciidanka dowladda Soomaaliya.
Dilka ayaa waxaa la sheegay in uu ka dhacay Suuqa beerta ee ku yaalla degmadaasi,waxaana dilka Wariyaha uu yimid kadib markii muran uu soo kala dhexgalay Wariyaha  iyo askariga,iyadoona goobta uu ka baxsaday askarigii dilka ka dambeeyay.
Wariyaha la dilay ayaa waxaa lagu magacaabi jiray Allaha u naxariistee Cabdirisaaq Qaasim iimaan waxaana uu ka howlgali jiray TV-ga SBS TV oo ku yaalla Magaalada Muqdisho, isagoona ka ahaa kaamira maan.
Wiil la dhashay Marxuumka la dilay oo lagu magacaabo Mustaf Qaasim Iimaan ayaa Dalsan u sheegay in goobta uu dila ka dhacay ay tageen, islamarkaana halkaasi ay kasoo qaadeen meydka Wariyaha, waxa uuna tilmaamay in meydka ay geeyeen laanta Hay’adda dambi Baarista ee CID-da iyo Isbitaal Madiina.
Sidoo kale waxa uu sheegay Mustaf Qaasim Iimaan in maalinta barri ah la aasi doono wariye Cabdirisaaq Qaasim iimaan oo galabta lagu dilay Degmada Waaberi ee Gobolkab Banaadir.
Hoos ka Dhageyso Codka Wiil la dhashay Wariyaha la dilayÂ
