Dhageyso:-Waqtiga Soomaaliya la soo wareegeyso Maamulka Hawada oo la shaaciyay

Wasiirka Gadiidka iyo Duulista Hawadda Xukuumadda Federaalka Soomaaliya  Maxamed C/llaahi Oomaar oo kusugan magaalada Edmanton ee Gobolka Alberto ee dalka Canada ayaa sheegay in muddo labo todobaad gudohooda kadib ay si rasmi ah u maamulidoonaan Hawadda Soomaaliya mar uu lahadlayay VOA.

“Illaahaa mahadda leh waxaan ugu bishaareynaynaa shacabka Soomaaliyeed sidii aan balanqaadnay in 28ka bishan aan si rasmi ah ula wareegno Hawadad Soomaaliya,waxaanu qaban doonaan xaflad ballaaran oo lagu dahfurayo xafiiska”

“Dad ajinabi ah iyo kuwa kale ee Hay’adda ECAO way ku lugyeelan doonaan ilaa aan tababarno shaqaale Soomaaliyeed oo awood u leh in ay maamulaan hawadda Soomaaliya,malintii aan u diyaar garowno in aan awood u yeelano sirasmi ah ayay shaqaalaheena shaqada kelidooda maamulidoonaan,inta ka horeysay tababara ayaan siinaynaa,balse muhiimaddu waa in dowladda Soomaaliya ay lasocoto maamulka Hawadeeda” Ayuu yiri Wasiir Omar.

Wasiir Maxamed C/llaahi Omar ayaa sheegay in ahmiyadda ugu weyn ay tahay in Soomaaliya hawadeeda ay maamuladto muddo 27 sano kadib,wuxuuna intaasi ku daray in hadii Dalku aan isaga maamulan hawadiisa ay micneheedu tahay in weli xorriyad buuxda jirin,taasina uu ku tilmaamay guul ay u soo hooyatay shacabka Soomaaliyeed iyo dowladooda mar uu lahadlayay

Hoos Ka Dhageyso Codka Wasiirka Gadiidka iyo Duulista Hawadda.

About Bilan Media

Bilan is Somalia’s first ever all-women media team. Staffed and run entirely by women with full editorial independence, the unit covers hard news and in-depth features, holding leaders to account and making sure the media represents all citizens, men and women, weak and powerful, rich and poor.

View all posts by Bilan Media