Munasabad uu xilka kula wareegay taliyaha cusub ee ciidanka asluubta Soomaaliya Sareeye Guud Bashiir Maxamed Jaamac,oo ay ka soo qeyb galeen Wasiiro ka rirsan Xukuumada Soomaaliya, Xildhibaanada labada Gole ee Barlaanka, taliyaha Ciidamada Booliska iyo agaasimaha hay’adda Nabada sugida ayaa lagu qabtay Xarunta Xabsiga dhaxe ee Xamar .
Taliyhii hore ee ciidanka Asluubta Soomaaliya Sareeye Gaas Xuseen Xasan cismaan ayaa si rasmi ah xilka ugu wareejiyay taliyah Cusub ee ciidanka Asluubta Soomaaliyeed Sareeye Guud Bashiir Maxamed Jaamac, iyadoo uu goobjoog ka ahaa wasiirka cadaaladda Soomaaliya Xasan xuseen xaaji , waxaan uu halkaasi ka jeediyay hadalo dardaaran ah.
Taliyah Cusub ee ciidanka Asluubta Soomaaliya Sareeye Guud Bashiir Maxamed jaamac ayaa sheegay in uu dardargalin doono howsha shaqo ee Taliska ciidanka Asluubta.
Wuxuuna ku amaanay taliyihii hore ee ciidanka Asluubta howsha hagar la’aanta iyo meesha wanaagsan uu keenay ciidanka Asluubta Soomaaliyed,isagoona balan qaaday inuu meesheeda uu ka sii wadi doono howsha.
Wasiirka Cadaaladda soomaaliya Xasan xuseen xaaji ayaa boogadiyay Waxqabdka taliyhii hore isgoo taliyaha Cusub ugu baaqay in uu ku dadaalo sidii loo hormarin lahaa taliska ciidanka Asluubta.
Hoos Ka Dhageyso Khudbadihii laga jeediyay Munaasabadda kana Daawo Sawirrada.
