Maanta oo Isniin ah ayaa la filayaa in Madaxweynaha Jamhuuriyadda Federaalka ah ee Soomaaliya Maxamed Cabdullaahi Farmaajo uu furo Kal-fadhiga Afaraad ee Baarlamaanka labadiisa Aqal.
Munaasabad lagu furayo ayaa Maanta ka dhaceysa Dugsiga tababarka Janeraal Kaahiye,iyada oo Madaxweynaha uu munaasabada ka jeedin doono Khudbad dheer oo uu uga hadli doono arrimo dhowr ah.
Xildhibaanada ayaa waxaa lagu eedeeyaa inaysan wax Shaqo ah qaban kal-fadhigii Saddexaad ee la soo dhaafay,iyada oo lagu mashquulay khilaafkii ka dhashay mooshinkii Jawaari iyo doorashadii Guddoomiyaha Golaha Shacbaka Soomaaliya Maxamed Mursal Sheekh Cabdiraxmaan.
Hadaba Xildhibaan Maxamed Cumar Dalxa oo ka mid ah xildhibanada Golaha Shacabka Soomaaliya ayaa,isaga oo la hadlay Radio Dalsan waxa uu sharaxayaa Ajaandooyinka muhiimka ah ee xilligaan horyaalla Baarlamaanka oo ay uga doodi doonaan kulamada soo socda.
Dhageyso Codka Xildhibaan Maxamed Cumar Dalxa.
