Maalmihii la soo dhaafay ayaa waxaa baraha Bulshada gaar ahaan barta Muuqaalka ee Youtube-ka lagu faafiyay warar sheegaya in la sii daayay Ragii ka dambeeyay dilkii iyo kufsigii loo geystay Marxuumad Caa’isho Ilyaas Aadan ee ka dhacay Magaalada Gaalkacyo.
Xeer ilaaliyaha Guud ee dowlad Goboleedka Puntland Maxamuud Ow Cismaan ayaa been abuur ku tilmaamay Wararka sheegaya in lasii daayay ragii xukumanayaasha ahaa ee ka dambeeyay dilkii iyo kufsigii Caa’isho Ilyaas.
Sidoo kale Xeer ilaaliyaha Guud Puntland ayaa tilmaamay in uu Arkay qof haweeney ah oo laga wareysanayo Youtube-ka,isla markaana sheegeysa in Maxkamadda Puntland la laaluushay, lana sii daayay ragii ka fuliyay falkaas.
Isaga oo sii hadlaayay Maxamuud Ow Cismaan ayuu sheegay in Kiiskiisa Marxuumad Caa’isha uu ka soo dhamaaday Maxkamadaha Puntland,isla markaana ragii ka dambeeyay ay ku jiraan gacanta Puntland ayna suganyan oo kaliya in xukunkii Dilka ahaa ee lagu riday lagu fuliyo.
Si kastaba hadlkan Xeer ilaaliyaha Guud ee dowlad Goboleedka Puntland Maxamuud Ow Cismaan ayaa waxaa ku soo aadayaa,iyadoo baraha Bulshada gaar ahaan barta Muuqaalka ee Youtube-ka lagu faafiyay warar sheegaya in la sii daayay ragii xukumanayaasha ahaa ee ka dambeeyay dilkii iyo kufsigii Caa’isho Ilyaas.
Hoos ka Dhageyso Codka Xeer ilaaliyaha Guud ee Puntland.
