Ra’iisul Wasaaraha Dalka Xasan Cali Kheyre,Madaxweynaha Koonfur Galbeed Shariif Xasan Sheekh Aadan,Gudoomiyaha Aqalka sare iyo xubno matalayay beelihii colaada u dhaxeeysay ayaa isniintii maanta ka qeyb galay Shirkaas dib u heshiisiineed oo loo qabtay beelihii colaada u dhaxeysay oo mudo isku hayay magaalada Marka ee Gobolka Sh/hoose.
Xubnihii madasha ka hadkay ayaa dhinacyada ku baraarujiyay muhiimada nabada iyo xalka iminka loo baahan yahay in laga gaaro dagaaladaas oo ah kuwo soo lab laabtay.
Ra’iisul Wasaaraha Dalka Xasan Cali Kheyre ayaa ka hadlay Shirka lagu soo bandhigayay heshiiska la gaaray,isaga oo ka hadlay waxa shirkan uu uga duwan yahay shirarkii hore loo qabtay beelahaas mudada dhowrka SAnada ah dagaalamayey.
Cabdi Xaashi Cabdullaahi Gudoomiyaha Aqalka Sare ee Baarlamaanka Federaalka ayaa dhankiisa ka hadlay ahmiyada heshiiska laga gaaray Colaadii marka,waxa uuna sheegay in loo baahan yahay in la fuliyo Go’aanadii ka soo baxay heshiiska la gaaray.
Xukuumada Federalka ayaa rajo wanaagsan ka qabto dhaqan galka heshiiska laga gaaray colaad beeleedkii mudo soo socotay ee ka taagnaay Magaalada Marka,inkastoo dagaalo mudo badan laga sameeyay lagu guuldareystay in heshiis la dhexdhexo beelihii colaadu u dhaxeysay.
