Saacadihii la soo dhaafay ayaa la hadlayay in Garoonka Diyaaradaha Aadan-Cadde ee Magalada Muqdisho lagu qabtay Nin Ajnabi ah oo watay Qalab Sunta nooca dadka ka ilmeysiisa kaas oo doonayay inuu Garoonka ka duulo.
Wasiirka Wasaaradda Gaadiidka iy duulista Hawada ee Xukuumadda Soomaaliya Maxamed Cabdullaahi Salaad (Oomar) ayaa sheegay inay weli su’aalo weydiinayaan ninka ajnabi ah oo lagu qabtay garoonka diyaaradaha ee Muqdisho.
Waxa uu sheegay Wasiirka in Ninkaasi boorsadii uu ku raran lahaa xamuulka diyaaradda laga helay gasac qiiqa dadka kaga ilmaysiiya ah,balse markii hore looga shakiyay in uu wado waxyaabaha qarxa.
Isaga oo la hadlayay Idaacadda Voa-da laanteeda afka Soomaaliga ayuu sheegay in Qalab Sunta nooca dadka ka ilmeysiisa ee uu watay uu la doonayay in uu la raaco Diyaarada Itoobian Airline,markii la weeydiiyayna uu sheegya in qalabkaas u watay markii hore e uu imaanayay Soomaaliya.
Geba gabadii waxa uu sheegay in Ninkaasi Ajnabi ah ay haatan gacanta ku hayaan Hay’adaha amniga Soomaaliya oo ay baaritaano ku wadaan,waxyaabaha kasoo baxana Warbaahinta iyo Shacabka Soomaaliyeed lala wadaagi doono.
Hoos Ka Dhageyso Codka Wasiirka Wasaaradda Gaadiidka iy duulista Hawada ee Xukuumadda Soomaaliya.
