Waaberigii hore ee saakay ayaa Kolonyo ay la socdeen Ciidamo ka tirsan AMISOM waxa ay Xaafada Xaawa Taako ee degmada Balcad ku dileen laba Ruux halka mid kale ay dhaawaceen.
Labada ruux ee dhimatay iyo midka dhaawaca ah ayaa waxa ay wateen Gaari Dameer,waxana Jiiraay mid ka mid ah Gawarida AMISOM oo ka soo baxay Xero ay ku leeyihiin Xaafada Xaawa Taako.
Mid ka mid ah ehelada dadkaas oo lagu Magacaabo Binti Maxamuud Shigow oo la hadashay Radio Dalsan ayaa sheegtay in Ciidamada AMISOM si ulakac ay ay Gawarida u jiirsiiyeen Saddex Ruux oo mid ka mid ah uu ahaa Wiil jiray Da’da 25,isla markaana ay goobta isaga tageen.
Waxa ay sheegtay in labada Ruux ay goobta ku dhinteen mid kalena uu qabo dhaawac halis ah intaasi kadibna ay sameeyeen banaanbax ay uga soo horjeedaan dilkaas.
Ugu dambeyn Madaxda Dowladda Soomaaliya iyo cidkasta oo awoodi karta inay waxka qabtaan ayay baaq u dirtay.
Hoos Ka Dhageyso wareysiga Binti Maxamuud Shigow kana Daawo Sawirrada Banaanbaxa.