Dhaawacyo laga keenay deegaanka Dhumay oo la soo gaarsiiyay Magalada Muqdisho

Magalada Muqdisho waxaa la keenay qaar ka mid ah dadkii ku dhaawacmay dagaal beeleed  ka dhacay deegaanka Dhumay ee Koonfurta Gobolka Sool.

Diyaarad nooceedu yahay Fokker-50 ayaa qaar ka mid ah dadkii ku dhaawacmay dagaalkii Dhumay oo gaaraya  22 ruux oo qabaan dhaawacyo culus ayaa laga soo qaaday magaalooyinka Garoowe iyo Gaalkacyo.

Wasiiro iyo Xildhibaano ayaa dhaawacyada ka soo sagootiyay Magaalooyinka Garoowe iyo Gaalkacyo,iyad aoo Muqdisho loo keenay si loogu daweeyo.

Dowlada Federaalka ah ee Soomaaliya ayaa sheegtay inay  dirtay diyaarada dhaawacyada Galabta ka soo qaaday Magaalooyinka Garoowe iyo Gaalkacyo ee Gobolada Nugaal iyo mudug.

Deegaanka dhumay ee Koonfurta Gobolka Sool ayaa xaaladeeda shalay iyo manta ay tahay mid degan,waxaana soo baxaya baaqyo kala duwan loo dirayo maleeshiyaadka ku dagaalamaya.

Gawaarida Gurmadka deg dega ee Aamin Ambulance ayaa dhaawacyadaas ka soo qaaday Garoonka Diyaaradaha Aadan-Cadde ee Magalada Muqdisho.