Boliska Kenya ee La-dagaalanka waxa loogu yeero Kooxaha Argagixisadda ayaa soo bandhigay magaca nin si weyn loogu tuhunsan yahay inuu ka dambeeyey dilka haweeney Wararka u geyn jirtey boliska oo Jimcihii la soo dhaafay lagu dilay Mombasa.
Eedeysanaha loo baadi-goobayo dilkaasi ayaa waxaa magaciisa lagu sheegay Ismaaciil Shoosi oo ay walaalo ahaayeen Nin la oran jirey Idiris Shoosi, kaasi oo ay Saraakiil Boliska sannadkii hore ku dileen Deegaanka Bondeni ee magaalladda Mombasa.
Hay’adda Sirdoonka Kenya ee National Intelligence Service (NIS( waxay ku tuhunsan yihiin in Eedeysanaha Ismaaciil Shoosi ka dambeeyey dilka haweeney la oran jirey Ruweyda Abdulmajiid oo wararka u gudbin jirtey boliska Kenya.
Hadal ka soo baxay Boliska ayaa lagu sheegay inuu Eedeysanahaasi ka baxsaday Boliska, kadib, markii ay Saraakiisha Boliska ku weerareen gurigiisa dilka haweeneydaasi kadib.
Eedeysanaha la baadigoobayo iyo Walaalkiisii la dilay ayaa la sheegay inay ka mid ahaayeen Alshabaab, laguna tuhunsan yahay inay horey u dileen Dalxiisayaal u kala dhashay dalalka Jarmalka iyo Raashiya oo ku sugnaa magaalladda Mombasa.
