DEGDEG: Is-qarxin lala beegsaday Dugsiga Tababarka Milliteriga ee Jeneral Dhega-badan.

Wararka naga soo gaarayo Degmadda Wadajir ayaa waxay sheegayaan inuu Qarax Gaari ka dhacay meel ku dhow Dugsiga Tababarka Ciiddamnadda ee Jeneral Dhega-badan (Ex-Wershaddii Nacnaca).

Wararka horddhaca ah ee aynu helayno ayaa sheegayo in ay 2 qof oo rayid ah ku dhaawacmeen Qaraxaasi, kuwaasi oo la dhigay Isbitaalk Madiina.

Abshir C/llaahi Cali “Caruus”  oo ka tirsan Ciiddanka ku sugan Dugsiga Tababarka Jeneral Dhega-badan ayaa u sheegay Radio Dalsan inay Ciiddanka ka hor tageen, isla markaana ay fashiliyeen  qaraxa Gaariga ee lala maaganaa Dusgigaasi, waa sida uu hadalka u dhigay.

Waxa kale oo uu tilmaamay inay iska caabiyeen Kooxo hubeysan oo qaraxa kadib soo weeraray Dugsiga Jeneral Dhega Badan, kuna raad-joogaan 2 qof oo la socdy gaariga qarxay oo noociisa ahaa Baska Homey-ga.

Dhinaca kale, xaalladda ayaa haatan deggan, inkastoo la maqlayo rasaas teelteel ah, waxaana halkaasi gaaray Ciiddan ka tirsan kuwa Dowladda Federalka.

Faahfaahinta Warkaasi la soco goor dhow Insha Allaahu.

About Bilan Media

Bilan is Somalia’s first ever all-women media team. Staffed and run entirely by women with full editorial independence, the unit covers hard news and in-depth features, holding leaders to account and making sure the media represents all citizens, men and women, weak and powerful, rich and poor.

View all posts by Bilan Media