Wararka aan ka heleyno Magaalada Baladweyne ee Xarunta Gobolka Hiiraan ee Maamulka Hirshabeelle ayaa waxaa ay sheegayaan in halkaas dhowr daqiiqo kahor uu ka dhacay qarax xoogan oo jugtiisa laga maqlay inta badan xaafaddaha Magaaladaas.
Qaraxaas ayaa waxaa uu ahaa mid is-miidaamin ah oo uu fuliyay qof isku soo xiray Jaakad waxyaabaha qarxa ah, isal markaana waxaa uu si gaar ah uga dhacay halka loo yaqaano Baar Xasan Dhiif oo ku taalla bartamaha Magaalada Baladweyne.
Khasaaro isugu jira dhimasho iyo dhaawac ayaa ka dhashay qaraxaas Is-miidaaminta aha ee dhacay Baladweyne oo soo gaaray dadka goobta ku sugnaa, waxaana goobta uu qaraxu ka dhacay ay ku dhow dahay Madaxtooyadda Magaaladaas.
Ilaa iyo hadda lama oga khasaaraha ka dhashay qaraxaas, isla markaana waxaa goobta isku gadaamay Ciidamo ka tirsan kuwa Booliska Maamulka Hirshabeelle, iyadoona dadka u diidaya inay halkaas ka agdhawaadan.
