Wararka ka imaanaya Gobolka Sool ayaa sheegaya in halkaasi ay ka taagan tahay Xaalad kacsanaan ah, waxaana wararku sheegayaan la filan karo in dagaal uu ka qarxo degaan ay isku hor fadhiyaan Ciidanka Dowlad Goboleedka Puntland iyo Malleyshiyo Taabacsan Somaliland.
Xiisadda ayaa ka taagan magaalada Boocame ee Gobolka Sool, waxaana hadda dadka degaanku sheegayaan in ay dareemayaan saan-saan dagaal saaacad walibana la filan karo in dagaal uu qarxo.
Malleyshiyada ayaa ah kuwo hubeysan, waxaana ay taabacsan yihiin Somaliland, halka Ciidanka Puntland ay doonayaan in ay maamulaan degaanada iyo degmooyinka ay malleyshiyaadkaasi iska abaabuleen.
Horay degaanno ka tirsan Goblada Sool iyo Sanaag ayaa waxaa uga dhacay dagaalo u dhexeeya Ciidanka Puntland iyo malleyshiyaad u hubeysan qaab qabiileed, kuwaas oo awood badan leh sida la sheegay, waxaana ay yihiin kuwo hubeysan oo gacanta ku ahya degaanno dhowr ah.