Ra’iisul Wasaare ku-xigeenka dalka Mahdi Maxamed Guuleed (Khadar) ayaa Maanta ka hadlay Arrimaha doorashada soo socota ee dalka la filayo inay dalka ka dhacdo sanadka 2020/2021, kadib markii uu ka qeyb galay Munaasabad ka dhacday Madaxtooyada.
Waxaa uu sheegay Ra’iisul Wasaare ku-xigeenka in Madaxda dowladda Federaalka ay diyaar u yihiin in dalka ay ka dhacdo nidaamka Doorashada ee qof iyo Cod ah, isla markaana ku saleeysan nidaamka Xisbiyada.
Sidoo kale Mahdi Maxamed Guuleed ayaa waxaa uu tilmaamy in Madaxweynaha iyo Ra’iisul Wasaaraha ay doonayan inay qaataan talada shacabka Soomaaliyeed, isla markaana ay qaban karaan Doorasho qof iyo Cod ah marka laga gaaro sanadka 2020/2021.
“Waxaan rabnaa Ummadda Soomaaliyeed taladeeda inay qaataan oo ciddii ay rabaan doortaan,haddii aynu tartameyno oo dib ay noo dooranayaan oo shan sanadoodoo dambe oo halkii aan gaarsiinay meel kasii fog aynu gaarsiineyno ummadda Soomaaliyeed bay u taallaa laaakiin waa muhiim in dalka doorasho qof iyo cod ah ay ka dhacdo oo nidaamka xisbiyadu hirgalo” ayuu yiri Ra’iisul Wasaare ku-xigeenka dalka.
Si kastaba dad badan ayaa rumeysan in dalka Soomaaliya aysan ka dhici karin Doorasho qof iyo Cod ah marka la gaaro 2020/21, xili la sheegay in Madaxweyne Farmaajo uu doonayo in doorashada ay noqoto nidaamka ah qof iyo Cod.
Hoos ka ka Daawo Muuqaalka.
