Hawlgalkaasi oo ay fuliyeen Ciiddan watay Diyaarado Helikoptar ayaa waxay ka degeen Tuulladda Al-kubar ee Gobalka Dayr Asuur, halkaasi oo ay ku dileen ugu yaraan 25-Dagaalyahan.
Sarkaal ka tirsan Isbahaysiga Maraykanka ayaa u xaqiijiyey Telefishinka Aljazeera inay qaadeen Weerarkaasi, balse ma xaqiijinin Khasaaraha soo gaaray labada dhinac.
Barta Twitterka ee Shabakadda Wararka ee Deirezzzor 24 ayaa markii ugu horreysay shaacisay inuu dhacay Hawlgalkaasi oo socday muddo 90-daqiiqo ah.
Waxaa kaloo ka qeyb galay 2 Diyaaradaha Dagaalka iyo 4 Helikopter oo noocoodu ahaa Black Hawk.
Dhinaca kale, Ciiddanka Khaaska ee Maraykanka ayaa la sheegay inay qabteen Maleeshiyo, isla markaana qaateen tiro ka mid ah maydadkii ay ka dileen Kooxda Daacish.
©Radio Dalsan
