Ciidamo ka tirsan Xoogga dalka gaar ahaan kuwa Kumaandooska Soomaaliya ayaa Al-shabaab kala wareegay deegaanka Leego ee ka tirsan Gobolka Shabellada Hoose.
Saraakiil ka tirsan Kumaandooska Soomaaliya oo la hadlay Idaacada Ciidamada ayaa sheegay in Ciidamada Kumaandooska Soomaaliya ay Labo jiho ka weerareen Deegaanka Leego ee Gobolka Shabellaha Hoose, sidaasina ay kula wareegeen.
Sidoo kale Saraakiisha Kumaandooska waxa ay sheegeen in gudaha degaanka ay ka fuliyeen Howlgal baaritaano ah oo lagu xaqiijinayo Amniga
Kumaandooska ayaa Howlgalka kusoo qabtay labo gadiid oo la sheegay in Al-shabaab ay ku diyaariyeen Qaraxyo, waxaana Saraakiisha hoggaamineysay howlgalka ay sheegeen inay sii wadi doonaan howlgalka ka dhan ah Al-shabaab.
