Wararka aan ka heleyso Magaalada Caabudwaaq ee Gobolka Galgaduud ayaa sheegaya in Ciidamo ka tirsan dowladda Federaalka Soomaaliya ee ku sugan halkaas ay Maanta la wareegeen Xarumo ku yaalla gudaha Magaaladaas.
Ciidamada oo gaaraya Dhowr iyo todobaatan Askari ayaa la wareegay gacan ku heynta Xarunta Maxkamada Madaniga ee Magaalada Caabudwaaq iyo Saldhiga Booliiska, iyagoona weli ku sugan halkaas.
Sababta ay Ciidanka ka tirsan dowladda ula wareegeen Xarumaha ayaa waxaa lagu sheegay inay tahay inay ka cabayaan Mushaar la’aan oo muddooyinkii dambe soo wajahday Ciidanka.
Wararka ayaa intaas kusii daraya in Ciidamadan ay kamid ah yihiin Boqolaal Askar oo la diiwaan-geliyay dhamaanka sanadkii tegay ee 2019, isla markaana sheegay in aysan helin bilii lasoo dhaafay wax Mushaar ah.