Guddoomiyaha Aqalka Sare ee Baarlamaanka Federaalka Soomaaliya Cabdi Xaashi Cabdullaahi ayaa ku biiray shirka maalintii saddexaad Magaalada Muqdisho uga socda Musharaxiinta u taagan qabashada xilka Madaxweynaha Soomaaliya.
Shirka oo ah mid xasaasi ah ayaa waxaa looga hadlayaa xaaladda siyaasadeed ee dalka iyo Arrimaha doorashooyinka dalka dhacaya dhammaadka sanadkaan 2020/2021 iyo sidii ay Musharaxiinta u sameeysan lahaayeen Golle is-baheysi oo mid ah.
Sidoo kale Shirka Musharaxiinta ayaa waxaa ku biiray Xildhibaano ka tirsan labada Aqal ee Baarlamaanka Federaalka ee kasoo jeeda Gobolada Waqooyi ee Somaliland, kuwaasi oo qaarkood ay kasoo horjeedan Guddiyada Doorashada ay dowladda magacaawday.
Shirkan ayaa la filayay in Maanta oo Isniin ah lasoo gaba-gabeeyo, hayeeshee waqti dheeraad ah ah ayaa lagu daray, isla markaana waxaa la qorsheeyay in Maalinnimada berrito oo tallaabo ah ah lasoo gaba-gabeeyo, lagana soo saaro War-murtiyeed ay ku mideysan yihiin Musharixiintan oo ku aadan Doorashada dalka ka dhaceysa ee 2020/2021.
Warbaahinta ayaa Maanta dib joog ka ah oo loo diiday inay tebiso shirka Musharaxiinta u taagan qabashada xilka Madaxweynaha oo ay ka qeyb galayaan Guddoomiye Cabdi Xaashi Cabdullaahi iyo siyaasiyiin kale oo kasoo horjeeda dowladda Federaalka.
Guddoomiyaha Aqalka Sare ee Baarlamaanka Federaalka Cabdi Xaashi Cabdullaahi ayaa siweyn uga soo horjeestay Guddiyada Doorashada heer iyo kuwa maamulaya Doorashada Xildhibaanada kasoo jeeda Somaliland oo dowladda ay magacaawday.
