Ku-dhawaad 289 Arday Qaxooti ah ayaa ku guul-daraystay inay sannadkan u fariistaan Imtixaanaadka Dugsiyadda Hoose iyo kuwa Sare ee ku yaalla Xeryaha dhadhaab.
Sarkaalka Guud ee waxbarashadda Dhadhaab, Cali Butxul ayaa u sheegay Wargeyska The star inay Ardaydaasi ka gaabsadeen inay u fariistaan Imtixaanaadka, maadaama ay ka mooraal jabsan yihiin Dib-u-celinta Qaxootiga iskooda u go’aansaday inay ku laabtaan dalkooda hooyo.
“Ma hayaan wax niyad ah, waayo waxay og yihiin marka ay dhameeaan Imtixaanka inay dib ugu laabanayaan Somalia, iyadoo Xerada Dhadhaab la xirayo 6-bilood ee soo socota” ayuu yiri Sarkaalkaasi.
Waxa kale oo uu sheegay in 34 Arday dadka waa weyn ah ka gaabsadeen inay u fariistaan Imtixaanaadka sannadkan ka dhacayo Xeryaha Xagar-dheer iyo Dhagaxley
Dhinaca kale, Hay’adda Badbaadinta Carruurta ee Save The Children ayaa sheegtay inay Qaxootiga Soomaalida ka niyad jabeen go’aankii ay Dowladda Kenya ku sheegtay in la xirayo Xeradda Dhadhaab.
Hay’adda waxay kaloo sheegtay inay Ardayda lumiyeen Rajada, iyadoo ay Waalidiintooda u sheegayaan in lagu laabanayo Somalia, isla markaana ay taasi waxyeeleynayso Waxbarashadooda.
©Radio Dalsan
