Wakaalladda Wararka Shiinaha ee XINHUA ayaa galabta shaacisay inay Saraakiil ka tirsan Boliska La-dagaalanka waxa loogu yeero Argagixisadda ay Qaxootigaasi ku qabteen Hawlgal ka dhacay Xeradaasi, isla markaana Qaxootigaasi su’aalo la weydiinayo.
Taliyaha Boliska Kenya, Josef Boynet waxa uu sheegay in raga la soo qabtay ay si sharci-darro ah ku galeen Xeradda Dhadhaab, isla markaana ay ka shaki qabaan inay xiriir la leeyihiin Alshabaab, waa sida uu hadalka u dhigay.
Waxa uu intaasi ku daray in mid ka mid ah Eedeysanayaasha uu haysto Laba Baasaboor oo dalka New Zealand oo magacyo kala duwan leh, waa sida uu hadalka u dhigay.
Hawlgalka ay Boliska Kenya ku soo qabteen Qaxooti Soomaali ah oo ku nool Xeradda Dhadhaab ayaa waxay ku soo beegmaysaa iyadoo aad loo adkeeyey Ammaanka dalkaasi, kadib, weerarkii ay Al-Shabaab bishan Janaayo 15-dii ku qaadeen Hotelka Dusit D2 ee magaalladda Nairobi, oo la sheegay in 21 qof ku geriyoodeen.