Ku-dhawaad 35 qoys oo ay ku jiraan dad da’ ah iyo waayeelo ayaa ka barakacay Tuulladda Basuba ee duleedka Degmadda Lamu ee dalka Kenya, sababo la xiriira cabsi ay ka qabaan inay Dagaalamayaasha Alshabaab iyo Milliteriga Kenya isku fara saaran Tuulladaasi.
DadkiidegganaaTuullooyinkaMilimani, MangayiyoBasubaayaa la sheegayinay u qaxeenDeegaankaBodhaayoo 14 KM u jirtaTuulladdaBasuba.
Deegaanka Bodhaay waxaa kuyaalla Xero Milliteri, Saldhig Bolis iyo goob shaqo oo ay joogaan Ciiddanka ilaaladda Duur-joogta Kenya.
Taliyaha Xiriirinta Boliska DegmaddaLamu, Chrispus Mutalia oo wax laga weydiiyey Barakacaasi ayaa sheegay inuusan xilligan diyaar u ahayn inuu ka hadlo fal kasta oo la xiriira Alshabaab, wuxuuna tilmaamay inaysan qorshaha ciiddanka la wadaagi Karin Warbaahinta.
Dhinaca kale, Maalintii Sabtiga ee la soo dhaafay ayey ku-dhawaad 100 dagaalyahanno Alshabaab ah waxay muddo hal saac ku sugnaayeen Tuulladda Basuba, iyagoo u khudbeeyey dadka deggan Tuulladaasi, oo ay u sheegeen inay duullaan ku yihiin Milliteriga iyo Boliska Kenya.
DagaalamayaashaJeysh Ayman oo ka tirsan Xarakadda Alshabaab ayaa waxay saldhig qarsoodi ah ku leeyihiin dhul-kaymeedka Boni ee duleedka Degmadda Lamu, halkaasi oo ay ka soo qaadaan Hawlgalladda ka dhaca gudaha Kenya.
