Guddoomiyihii hore ee degmada Wadajir ee Gobolka Banaadir ayaa ka hadlay xaaladda Gobolka Hiiraan gaar ahaan banaanbaxyadii rabshadaha watay oo maalmihii lasoo ka dhacayay Magaaladaas.
Axmed Xasan Caddow (Axmed Daaci) ayaa banaanbixii looga horjeeday Hirshabeelle ee ka dhacay Baladweyne ku eedeeyay inay soo abaabuleen siyaasiyiin leh danno gaar ah, wuxuuna sheegay in xiligaan arrintaas aan loo baahneyn.
Waxaa uu sheegay Axmed Daaci in mas’uuliyiin kasoo jeeda Hiiraan ay xilal kala duwan horey uga soo qabteen Hirshabeelle, isla markaana xiligaan ay ka hayaan xilal, hayeeshee dadka degan Baladweyne aan looga baahneyn inay kaasoo horjeeystan Maamulka Cusub.
Isaga oo hadlaayay Guddoomiyihii hore Wadajir ayuu u Jawaabay Wasiirkii hore Waxbarashada C/llaahi Goodax Barre, wuxuuna ku eedeeyay inuu u gafay Madaxweyne Cali Guudlaawe, isaga oo ku baaqay in dadka aan la kicin.
“Goodax ku fogaan maayo laakiin markuu xil haayo dalka iyo dadka wuxuu u arkaa inay barwaaqo ku jiraan markii xilka laga qaadana dalku nabad kama jirtoo waa Balaayeysanyahay ayuu leeyahay,Maahan in ummadda la kiciyo” ayuu yiri Axmed Daaci.
Sidoo kale Axmed oo warbaahinta la hadlay ayaa dowladda Federaalka ugu baaqay inay wax ka qabato Arrin uu sheegay in laga hurinayo Jubbaland gaar ahaan Kismaayo iyo tan ka taagan Hirshabeelle.
Madaxda dowladda ayuu uga digay in hadii Arrimaha labada maamul wax ka qaban waayaan ay soo bixi doonto eedii Mucaaradka u jeediyeen Madaxda oo ahayd inay wax boobayaan, waa sida uu hadalka
“Arinta Kismaayo laga hurinaayo iyo arinta Hirshabeelle ka socota haddaysan aragti lagu qancikaro ka qaban sidii Mucaaradku sheegayey oo ahayd inay wax boobeyso bay ku saleysmee” ayuu yiri Axmed Daaci.
