Muuqaal Video oo ay Alshabaab baahiyeen Axaddii la soo dhaafay ayuu Askrigaasi oo lagu magacaabo David Ngugi waxa uu Taageero weydiistay Madaxweynh Kenya, Uhuru Kenyatta iyo Xaaskiisa iyo xubno kale.
Askarigaasi oo xirnaa Labiska Milliteriga Kenya waxa uu si gaar ah uga codsaday Madaxweyne Uhuru Kenyatta inuu hubaal ka dhigo sidii loo sii dayn lahaa isaga iyo Askarta kale ee la xiran.
Askariga oo Iley ah waxa uu si gaar ah ula hadlay Marwada 1-aad ee dalka Kenya oo uu u sheegay inay tahay Hooyadooda, isla markaana ay ku xisaabtamaan.
Waxa uu intaasi ku daray inay Madaxweyne Uhuru ugu celceliso inay iyagu La-hayste yihiin.
Sidoo kale waxa uu ugu baaqay Dadweynaha inay Dowladda Kenya ku cadaadiyaan sidii ay u taageeri lahaayeen Askarta maxbuuska u ah Alshabaab.
Askarigaasi oo ay Dagaalamayaasha Alshabaab ku soo qabteen Hawlgalkii ay sannadkii hore ku qaadeen Xeraddii ay Ciiddanka Kenya ku lahaayeen Deegaanka Ceel-cadde ee Gobalka Gedo ayaa sheegay inay Alshabaab la dagaalameen sannadkii hore, balse Ciiddankiisa loo itaal-sheegtay.
Waxa kale oo uu tilmaamay in Askar badan lagu dilay weerarkaasi, halka kuwo kalena Maxaabiis ahaan loo qabtay.
Weerarkaasi dhacay bishii January ee sannadkii hore waxaa lagu dilay ugu yaraan 180-Askari, halka tiro kalena ay Alshabaab gacanta ku dhigeen.
Wargeyska The Star ayaa ka soo xigtay Ilo-wareed inay 240-Askar Kenyan ah ku sugnaayeen Xeradda Ceel-cadde markii ay Alshabaab soo weerareen.
©Radio Dalsan
