Ammaanka Uganda oo la adkeeyey , xilli ay soo dhawdahay 33-guuradii Xukunka Madaxweyne Museveni

Maalinta Sabtida soo socota waxay ku beegan tahay, markii ay Madaxweyne Yoweeri Museveni iyo Jabhadiisa  Dhaqdhaqaaqa Wax-iska-caabinta Qaranka Uganda ee NRA qabsadeen talada dalkaasi sannadkii 1986-kii.

Taliyaha Boliska Gobalka Bukedi ee dalkaasi, Kissi Tusingwayr oo la hadlay Wargeyska Maalinlaha ee Monitor ayaa sheegay inay adkeeyeen dhamaan Xuduudaha laga soo galo dalkaasi ayaa sheegay inay xoojiyeen ammaanka xuduudaha, si looga hortago khatar dhanka Ammaanka iyo inay ka soo gudbaan Kooxo hubeysan oo weerar geysan kara ka hor iyo kadib Munaasabadda lagu xusayo markii uu Madaxweyne Museveni xilkaasi qabsaday 33 sanno ka hor.

Hay’addaha Ammaanka ee dalkaasi ayaa la sheegay inay adkeynayaan Ammaanka Guud ee Uganda, iyadoo Ciiddamo xooggan la dhigay laga bilaabo Xuduudka magaallooyinka Busiya iyo Malabo ee dalkaasi.

Ciiddamo aad u hubeysan oo Eey wata ayaana baaraya gaadiidka xamuulka iyo basaska ka soo gudbayo Xuduudka Kenya, si ay u soo galaan Uganda.

Madaxweyne Museveni iyo Jabhadiisa NRA oo  Halgankooda hubeysan loogu magac daray Dagaalkii Luweero waxa uu socday sannadihii 1981-dii ilaa 1986-dii, waxayna talada la wareegeen bishii Janaayo 25-dii ee isla sannadkii 1986-kii

Si kastaba ha ahaatee, Munaasabadda lagu xusayo markii uu Madaxweyne Museveni qabsaday Talada dalkaasi waxaa la sheegay in uu Bilado guddoonsiinayo 115 Halgamaa oo kaalin muhiim ah ka so oqaatay Dagaalkii ay Jabhadda NRA ugu jirtay inay la wareegaan Talada dalkaasi.

Museveni waxa uu xilka kala wareegay Madaxweynihii talada hayey ee  Tito Okello, kaasi oo isaga iyo Madaxweynihii ka sii horeeyey ee Milton Obote ka baxsadeen Uganda, markii uu Maleeshiyaddii Jabhadda NRA soo galeen caasimadda dalkaasi ee Kampala.

About Dalsan Editor

View all posts by Dalsan Editor