Alshabaab oo Toogtay Mid Ka Mid ah Askartooda

Wararka naga soo gaarayo deegaanka Ceelcade ee gobolka Gedo ayaa ku waramaya in Alshabaab saakay halkaasi ay ku toogteen askari ka tirsanaa cidankooda, kaasi oo lagu magacaabi jiray Cabdullaahi Cali Shire.

Dilka askarigaasi ayaa yimid, kadib markii looga shakiyey inuu isku soo dhiibi rabay ciidanka dowladda Soomaaliya, sidaasina Alshabaab ay ku toogteen.

Ciidanka Alshabaab ayaa la sheegay in C/laahi Cali Shire ay ku dileen deegaanka Ceelcade oo qiyaastii 60-KM u jira magaalada Garbahaarey ee xarunta gobolka Gedo.

Dadka deegaanka ayaa dilka askarigaas u xaqiijeyey warbaahinta, manajiro ilaa hada war ka soo baxay Alshabaab oo la xariira toogashadaasi.

 

About Bilan Media

Bilan is Somalia’s first ever all-women media team. Staffed and run entirely by women with full editorial independence, the unit covers hard news and in-depth features, holding leaders to account and making sure the media represents all citizens, men and women, weak and powerful, rich and poor.

View all posts by Bilan Media