Afhayeenka Hawlgalladda Milliteri ee Al-shabaab Sheekh C/casiis Abu Muscab oo la hadlay Telefishinka Aljazeera ayaa sheegay inay iyagu mas’uul ka yihiin qaraxyadii iyo iska horimaadka haatan ka socda Dhismaha Hotelka Dusit ee ku yaalla Degmadda Westland see Galbeedka Nairobi.
“Waxaan haatan hawlgal toos ah ka wadnaa gudaha Nairobi†ayuu yiri Afhayeenka Hawlgalladda ee Alshabaab oo la hadlay Telefishinka Aljazeera.
2 Qarax iyo is-rasaasayn ayaa laga maqlayey Dhismaha Hotelka iyo Xafiisyadda ku hareeraysan.
Taliyaha Boliska Nairobi, Philip Nadolo ayaa sheegay inay hareereeyeen dhamaan Deegaanka Hotelka, wuxuuna sheegay inay weerarkaasi u qaateen dhac hubeysan, waa sida uu hadalka u dhigay.
Balse, Afhayeenka Boliska Kenya, Charles Owino oo la hadlay Tleefishinka CITIZEN waxa uu sheegay inaan meesha laga saari karin in weerarkaasi yahay waxa uu ugu yeeray weerar Maleeshiyo, waa sida uu hadalka u dhigay.
Arday badan oo ku xayirantay Jamaacad u dhow Dhismaha Hotelka la weeraray ayaa la sheegay in la soo badbaadiyey.
Qiiq madow ayaa laga arkayaa Cirka, iyadoo ay gaadiid badan ku gubteen Barxadda gaadiidka la dhigto ee dhismaha Hotelka la weeraray.
Qaraxyadda iyo iska horimaadyadda laga maqlay qeybo ka mid ah magaalladda Nairobi waxay ku soo beegantay iyadoo Maxkamadda Nairobi dib u bilowday dhegeysiga Eedeysanayaasha lala xiriirinayeey Weerarkii ay Dagaalamayaasha Alshabaab ka geysteen Xarunta laga dukaamaysto ee Westgate Mall kadhacay bishii September ee sannadkii 2013-kii.
Weerarkaasi waxaa la sheegay inay ugu yaraan 67 qof ku geeriyootay, halka in ka badan 100 kalena ku dhaawacmeen.
Xigasho: Aljazeera TV.
