Xaaladda magaalada Kismaayo ayaa deggan maanta, kadib markii shalay gelinkii dambe uu iska hor imaad dhex maray ciidamo ka wada tirsan maamulka Jubbaland. Iska hor-imaadkaasi ayaa waxa uu sababay dhimasho iyo dhaawac.
Laamaha Amniga Jubbaland ayaa waxa ay sheegeen in howlgal laga sameeyay Kismaayo ay ku soo qabteen 11 ruux oo hubeysnaa oo falal amndairo ka waday Magalada Kismaayo.
Waxaa muuqanayay burbur xoogan oo ka muuqday Guri ku yaalla Magalada Kismaayo oo Ciidamada Jubbaland ay hub culus ku garaaceen kadib markii ay sheegeen inay ku dhuumanayeen rag hubeysan.
Wararka Maanta aan ka heleyno Magalada Kismaayo ayaa waxa ay sheegayaan in xaalada Magalada Maanta ay tahay mid degan,waxaana Xaafadaha Magalada lagu arkayaa Ciidamo ka tirsan Booliska Jubbaland
Wasiirka Amniga Jubbaland iyo taliyaha Booliska Kismaayo ayaa shalay waxaa ay siwadajir ah u sheegeen in marnaba aysan ogolaan doonin in Gudaha Magalada dhexdeeda hub sharcidaro ah lagu dhex qaato.
